Tushda soch ko’rsa — to’kilishi, kesish, oqarishi, soch oldirish ko’rish ta’biri

Soch erkak uchun buyuklik va hayotiy go’zallik ramzi, ayollar uchun esa go’zallik, inoyat, jozibalik timsolidir. Biologik jihatdan salomatlik, kuch, jozibani bildiradi. Agar tushda soch kishining qomati bilan birga ko’rilgan bo’lsa — bu o’sha odamning ahamiyatli ekanligini anglatadi. Agar sochlar kir, bitlagan yoki tabiiy rangga ega bo’lmasa yoki yuzdan, tana, qomatdan alohida ko’rinsa — bu har doim to’xtagan salbiy psixologiya yoki bo’sh erotizmning ramzi hisoblanadi. Tushda soch kestirish, yo’qotish — o’ngda ham uzoq muddatli mehnat natijasida erishilgan narsani yo’qotishni anglatadi.

Maqolada:

Tushda soch ko’rish ta’biri

Soch — hayotiylik, quvvat, fikrlash teranligi va erkalik ramzi. Chiroyli qilingan turmak — donolik va hayotiy kuch belgisi.
Agar ayol kishi tushda soch ko’rsa, u holda tushning ma’nosi yuqoridagidan farq qiladi. Azaldan yoyilgan sochlar ayolning shahvoniy chaqirig’i, hijob yoki ro’molcha o’rash — kamtarlik va ibo-hayo belgisi hisoblangan. Shu sababli uzun va yoyilgan sochlarni ko’rish — muhabbat istash belgisi.
Agar tushda soch rangi o’zingizning sochingiz rangidan farq qiladigan bo’lsa, bunday tushga alohida e’tibor qaratish lozim. Qizg’ish rangli soch aldov va makkor rejalar haqida gapiradi, atrofingizdagi odamlarga ko’p ham ishonmaslik kerakligidan ogohlantiradi.
Oqargan sochlar tush kitobida sog’liqning yomonlashishini, siz haqingizda yomon g’iybatlar tarqalishi mumkinligidan deb keltiriladi.
Yorqin rang boylik va to’kislik ramzi.
Jigarrang soch sizning xarakteringiz shuhratiga urg’u beradi.
Tushda noodatiy rangli soch ko’rsa — kelajakda o’zingizni namoyon etish imkoniga ega bo’lishingiz mumkinligini ko’rsatadi.
Tushda soch kesish — ko’ngilsizlik va yo’qotishlarga, boshqa odamning sochini qirqish — katta foydaga. Yigitlar uchun bu tush xarbiy xizmatni o’tashdan darak bo’lishi mumkin. Qiz bola tushida dugonasining sochini kessa, bu uning maslahatlariga ko’p ham quloq solmaslik, u to’g’ri va yaxshi maslahat bermasligini anglatadi. Biron kishining sochini qaychi bilan olish — siz katta muvaffaqiyatlarga erishasiz, sizning orzularingiz amalga oshadi.
Sochlar aro bittagina oqargan soch topib olish va uni yulib tashlash — kimningdir dono maslahatini bee’tibor qoldirayotganlikdan. Kishi tushda oq soch ko’rsa va u o’ziga tegishli bo’lsa — u endi ulg’ayib, hayotning yangi bosqichiga tayyor ekanligiga ishora.

Tushda soch ko’rsa nima bo’ladi: Psixologik talqin

Soch qadimdan bizni ongimiz tomonidan odamning xarakterining aksi sifatida qabul qilingan. Qadimgi afsonalarda yumshoq, to’g’ri va qaysar bo’lmagan soch egalari yengil va moslashuvchan xarakterga ega, ammo jingalak va qaysar sochli kishilar ko’proq bezorilikka monand bo’ladi deyilgan. Tushda sochning turi o’zgaradigan bo’lsa, uning yangi turiga mos ravishda hayotda ham shunday o’zgarishlar yuz berishidan.

Tushda soch to’kilishi — o’ngda yaqinlaringizning kasallanib qolishiga duch kelishdan. Soch juda ko’p to’kilgan bo’lsa ayniqsa ehtiyot bo’lish kerak, bu kasallikning jiddiyligidan darak beradi.

Tushda so’ch ko’rish: Romantik tush ta’biri kitobi bo’yicha

Agar erkak kishi tushida tillarang sochli ayolni ko’rsa, demak u hayotida uning sevimli jufti uchun juda sodiq va sadoqatli bo’lishidan. Biroq, ayolning sochi qizg’ish rangli bo’lsa, juftingiz sizga sodiq emasligi va siz bu haqida yaqin kelajakda bilib olishingiz mumkinligini aytadi.

Agar tushingizda kir, chalkash va taralmagan soch ko’rsangiz, turmushingizda bir nechta ko’ngilsizliklar kutilmoqda. Ayol kishi sochlari oqarganini yoki xiralashganini ko’rsa, o’ngida, sevgilisining unga bo’lgan his-tuyg’ulari sovushidan.

Ayol kishi tushda soch ko’rsa

Agar ayol tushida sochini tarashini ko’rsa — u o’ngida yengiltabiatli hatti-harakatlar qiladi va keyinchalik bundan qattiq afsuslanadi.
Tushda birovning sochini silashni ko’rish — ishqiy ishlarning yaxshi tomonga burilishi, munosib juft paydo bo’lishiga.
Agar tushga chiroyli soch turmagi kirsa — ishlarning muvaffaqiyatli ketishi belgisi.
Shishirilgan soch turmagi — cheksiz baxt.
Tushda kalta soch turmagi ko’rish — baxtsizliklardan qochish uchun tejamkorlikka chaqiriq.
To’zib yotgan sochlar — omadsizlikka.
Sochda gullar bo’lsa, gulchambar taqilgan bo’lsa — yaqin orada biroz noxush hodisalar kutilmoqda, lekin siz ularni osonlikcha yengib o’tasiz.
Ayol kishi tushida o’zining sochlari oqarganini ko’rsa — yomon belgi, noxushliklardan gapiradi.
Ammo sochlar qordek oppoq bo’lsa, bu nihoyat yaqin orada taskin topishigiz, tinchlikka erishishingiz va rohatbaxsh safarga chiqishingiz mumkinligidan.

Tush ta’birlari: Soch ko’rish

Kalta va jingalak sochlar — bu g’am va baxtsizlikni anglatadi;
Silliq taralgan soch — do’stlik belgisi va fojialarning yakunlanishi;
Yelkaga to’kilgan sochlar — qarindosh yoki do’st bilan noxushlik sodir bo’lishi;
Tushda o’z sochini boshqalarnikidan ajrata olmaslik — tashvishlar va uzoq davom etadigan mehnat.
Sochlar aslidan uzun va qoraroq bo’lsa — obro’ va boylikning yanada ulug’roq bo’lishi;
Tushda soch to’kilsa — kasod va qashshoqlikka;
Soch tolalarining oqarishi — kuchsizlanish, beobro’lik va ba’zida kasallikdan darak;
Tushda sochsiz, kal ayol ko’rish — ochlik, kambag’allik va kasalliklarga;
Sochsiz erkakni ko’rish — mo’llik, boylik va salomatlik belgisi;
Boshqa kishining sochini olish — soch olayotgan kishi uchun boylik;
Tushda soch oldirish o’z-o’zidan to’satdan xafa bo’lish va kutilgan natijaga erishmaslik, ba’zida esa baxtsizlik, qashshoqlik va hatto kasalliklarga olib keladigan belgi;
Qo’lda, oyoqda, ko’krak va yuzda soch o’sishini ko’rish kutilmagan baxt, boylikning ko’payishi va tiklanish timsoli.

Tushda so’ch ko’rsa talqini qanday bo’ladi?

Soch o’sishi — foyda;
Soch kesish — kasallikka chalinish, xarbiy xizmatga ketish, sudda yutqazish, baxtsizlik, xiyonat, ziyon;
Sochlarni tarash — yaxshilikka, muhabbat, mehmon kutish, erkinlik, yaqinda turmushga chiqish (qizlarga)// janjallar, safarga chiqish (turmushga chiqqan ayollar uchun);
Sochni yuvish — yaxshilikka, hurmatga loyiq bo’lishga;
Qo’lda sochlar bo’lsa — boylikka;
Oq soch — shoshmaslik kerak, quvonchga;
Qalin sochlar — shon-sharaf, kuch-quvvat, boylik timsoli;
Uzun bo’lsa — yaxshilikka, uzoq safarga;
Soch o’rish — to’y (yoshlarga) // xiyonat (erkaklarga), oilaviy muammo (ayollarga);
Soch kuysa — daromadga;
Tushda soch chalkashib ketgan bo’lsa — sharmandalikka;
Ingichka, siyrak sochlar — narxlar qimmatlashishi tufayli zarar ko’rishga.

Tushda soch ko’rish ta’biri: psixolog G.Miller bo’yicha

Agar ayol tushida o’zining sochlarini yoyib tarayotgan bo’lsa, bu uning yuzaki o’ylab, xato qilishi mumkinligiga ishora. Agar yosh kishi tushida o’zining sochlari oqarib ketganini ko’rsa, u ogoh bo’lishi talab etiladi, aks holda moddiy ziyon ko’rishi mumkin. Agar sochda ham yorqin rangli, ham to’q rangli tolalar bo’lsa, bu kelajakda qiyin tanlov amalga oshirish kerakligidan darak, bunda dono kishilar bilan maslahatlashish to’g’ri yo’l bo’ladi. Tushda soch o’stirish — agar bunda sochlar toza bo’lsa, ishlar o’ngidan keladi, agar aksi bo’lsa, ishlar yurishmasligi kutilmoqda.

Soch bilan bog’liq tush ko’rish talqini

Quyuq, qalin sochlar — boylik;
Soch to’kilishi — kasallik, qayg’u;
Sochni qashishlash — yaxshigina daromad qilish;
Tushda soch oldirish — baxtsizlik;
Soch o’stirish — ishlarda yaxshi o’ylab qilingan amal tufayli muvaffaqqiyatga erishish;
Agar kishi tushida sochi to’kilayotganini ko’rsa — mulkini yo’qotishi mumkinligidan;
Sochlarni kesib sotish — baxtsizlik;
Qizg’ish rangli soch — yolg’on;
Oq ranglisi — ko’ngil xotirjamligi;
Taralgan sochlar — simpatiya;
Ko’krakda soch o’ssa — salomatlik;
Qop-qora soch — siz suyukli ekanligingizdan;
O’rish — yangi ishqiy munosabatlar;
Sochni bo’yash — adashish;
Uzun sochlar — sizni hurmat qilishadi.