KFC tayyorlash retsepti — qanotchalar uchun maxsus masalliqlar, bosiqchlar

KFC tovuq qanotchalari tayyorlash retseptini ko’pchilik bilishni istaydi. Albatta restoran haqiqiy retseptni oshkor etmaydi va ko’pchilik masalliqlar KFC restoranlariga ham yarimfabrikat sifatida keladi. Shu tufayli xohish bo’lganda oshpazlar ham uning sirini bila olishmaydi. Lekin olingan ba’zi ma’lumotlarni qo’llagan holda, haqiqiy KFCga juda o’xshash qanotchalar olinadi.

Uy sharoitida KFC tayyorlash

Gazak asli kabi mazaga ega bo’lishi uchun go’sht sifatiga alohida e’tibor berish kerak.

Kerakli masalliqlar:

• Tovuq qanotchalari — 1 kg;
• Elangan un — 250 g;
• Achchiq chili sousi — 50 g;
• Tuxum — 4 ta;
• Tuz — 2 choy qoshiq;
• Qalampir — 1 choy qoshiq;
• Sarimsoq (quritilgan kukuni) — 1 choy qoshiq;
• Murch — 0,5 choy qoshiq;
• O’simlik moyi.

Tayyorlanishi

1. Go’sht oqar suv ostida yaxshilab yuvib olinadi va salfetka bilan quritiladi. Agar salfetka bo’lmasa, ortiqcha namlik shunchaki bug’lanib ketishi uchun uni bir chetga olib qo’yish ham mumkin. So’ng qanotchaning uchinchi falangasi olib tashlanadi, yelka qismidan tirsak qismigacha bo’g’im bo’ylab ehtiyotkorlik bilan kesib olinadi.
2. Panirovka uchun chuqurroq idishda chilli sousi bilan tuxum aralashtiriladi. Ular bir xil massa hosil bo’lgunda qadar urib ko’pirtirilishi kerak. Keyingi navbatda aralashmaning tuzi rostlanadi va unga biroz dam beriladi.
3. Boshqa idishga elangan un solinadi. Unga quritilgan sarimsoq, qalampir va murch qo’shiladi. Ziravorlar bir xilda taqsimlanishi uchun barchasi yaxshilab aralashtirib olinadi.
4. Qozonga qovurish uchun uning 1 / 3 qismigacha to’ldirib yog’ solinadi. Qozon katta bo’lsa, undan kamroq solish mumkin, lekin ortiq emas.
5. Tovuq qanotlari har tomonlama unda belanadi, so’ng tuxumli aralashmaga botirib olinadi. Yakunida yana bir bor un yoki jo’xori yapaloqlariga belanadi.
6. Qizib turgan yog’da taxminan 10 daqiqa qovuriladi. Zarur bo’lganda, go’sht qozon tubiga yopishib qolmasligi uchun kapkir bilan aralashtirib turiladi.
7. Tayyor qanotlardan ortiqcha yog’i ketishi uchun qog’oz salfetkaga joylashtiriladi. Dasturxonga sabzavotli salat, yaxna ichimliklar va istalgan sous bilan tortiq qilinadi. Yoqimli ishtaha!

KFC mazali chiqishi uchun qanotchalarni yaxshi qizigan yog’da (taxminan 170 °C) qovurish kerak. Aks holda ular juda yumshoq bo’lib qolib, ishtaha ochar qarsildoqlikka ega bo’lmaydi.