Yarating, o'rganing, bilib oling

Paxlava tayyorlash — retsepti, bosqichlari, kerakli masalliqlar, sirlari, bezatish

Paxlava tayyorlash — retsepti, bosqichlari, kerakli masalliqlar, sirlari, bezatish

Paxlava — mashhur qandolatchilik pishirig’i bo’lib, qiyom quyilgan qavatlangan xamir va yong’oqdan iboratdir. Paxlava shirinligini tayyorlash sharq xalqlari oshxonasida keng tarqalgan. O’zbek oshxonasida paxlava an’anaviy tarzda Navro’z bayramida dasturxonga tortiladi.

Paxlava retsepti

Paxlava tayyorlash uchun quyidagi mahsulotlar kerak bo’ladi:

  • sariyog’ — 350 g
  • smetana — 300 g
  • tuxum — 4 dona
  • un — 4 stakan
  • iste’mol sodasi — 1 choy qoshiq
  • shakar — 2,5 stakan
  • yong’oq — 2 stakan
  • asal — 2 osh qoshiq

Paxlava tayyorlash jarayoni

Paxlava tayyorlashning juda turli usullari mavjud, ushbu retseptda ulardan biri keltiriladi.

  1. Dastavval paxlava xamirini tayyorlash kerak. Un 300 gramm sariyog’ bilan aralashtiriladi, so’ng 3 ta tuxum sarig’i, smetana va soda qo’shiladi, xamir qorilib, 1 soatga sovutgichga olib qo’yiladi.
  2. So’ng sovutgichdan olinib, xamir 8 ta kichik zuvalalarga bo’linadi. Zuvalarning ikkitasi biroz kattaroq bo’lishi kerak. Bu eng pastki va eng ustki qavat uchundir.
  3. Nachinka tayyorlash: yong’oqlarni maydalash kerak, lekin un kabi juda maydalab yuborish ham yaramaydi, kichik bo’lakchalar qolishi kerak. Yong’oqni shuningdek qovurib olish ham mumkin. Buning uchun yong’oq 150 darajagacha qizdirilgan pechga 5-7 daqiqaga qo’yib olinadi. Bu paxlava tayyorlash sirlaridan biridir, qovurilgan yong’oqlar bilan paxlava yanada mazali chiqadi.
  4. 4 ta tuxum oqi, shakar va maydalangan yong’oq birlashtiriladi.
  5. Har bir xamir zuvalasi un sepilgan yuzada ingichka qilib yoyiladi.
  6. Protivenga qavat qilib xamir yoyiladi, har bir qavat ustiga bir tekisda nachinka qo’yiladi, lekin zich tarzda emas. Shu tariqa xamir-nachinka ketma-ketligida davom ettiriladi. Eng pastki va ustki qavat xamirlari biroz qalinroq bo’lgani yaxshi, shunda u yopishib qolmaydi yoki kuymaydi.
    paxlava tayyorlash foto
  7. Eng ustik qavat xamir bilan tugaydi. Hosil bo’lgan pirog romb shaklida kesib chiqiladi, ustiga tuxum sarig’i surtiladi, yong’oq bilan bezaladi. 200 daraja 40-50 daqiqa pishirib olinadi.
    paxlava tayyorlash retsepti
  8. Tayyor bo’lishiga 5-10 daqiqa qolganda, pechdan olinib, ustidan erigan 50 gramm sariyog’ va asal aralashmasi quyiladi va yakuniy tayyor bo’lishi uchun pechga qaytariladi.
  9. Shuni ta’kidlash joizki, protivendan faqat sovugan paxlavani chiqarib olish mumkin. Aks holda pishiriqning issiqligida suyuq bo’lgan qiyomi oqib ketadi!
  10. Yoqimli ishtaha!
18
Loading...
Loading...

Sharh qoldirish

E-mail manzilingiz chop etilmaydi. To'ldirish zarur maydonlar * bilan belgilangan.