Yarating, o'rganing, bilib oling

Ro’mol o’rash usullari – zamonaviy va mashhur uslublar, foto va video

Ro’mol o’rash usullari – zamonaviy va mashhur uslublar, foto va video

Ro’mol o’rashning ko’plab usullari mavjud. Ularning har biri muayyan toifadagi ayollar uchun mos keladi. Sochlari yopiq bo’lgan xotin-qizlar sirli, odobli ko’rinadi, o’ziga ortiqcha e’tibor tortmaydi. Quyida eng chiroyli va mashhur uslublar haqida.

Ro’mol tanlash

Umuman olganda, o’rash uchun nafaqat ro’mol, balki shol, bandana, palantin, kosinka ham mos keladi. Sifatli qalinroq ro’mol yoki sharfni esa bo’yinga ham, boshga ham o’rash mumkin.

Tabiiyki, har qanday aksessuar qishki yoki yozgi bo’lishi mumkin. Bu matoning qalinligi, tuzilishi, zichligiga va hatto rangiga bog’liq. Misol uchun, odatda yozgi ro’mollar och rangda bo’ladi, ular issiqlikni yutmaydi va boshni salqinlikda saqlaydi. Rang tanlashda u nafaqat faslga, balki ayolning teri rangiga, kiyimi va boshqa aksessuarlariga mos kelishi kerak.

Ro’mol o’rash ob-havo sharoitlaridan himoya qilish, dekorativ rol bajarish, ma’naviy va diniy ma’noga ega bo’lish yoki modaga rioya qilish maqsadlarida kerak bo’lishi mumkin. Quyida har biri haqida batafsil.

Oddiy usul

Tabiiyki, ro’molni diagonaliga bukib, peshonaning tepa tomonidan tashlab, iyak ostiga olib kelib tugish yoki shunchaki yoyiq qoldirish, bitta burchagini esa ortga tashlab qo’yish eng oson uslublardan biri. Biroq shu kabi boshqa oddiy usullar ham yo’q emas.

Masalan, quyidagicha bandana uslubida o’rash ham mumkin:

oddiy bandana usuli

Bundan tashqari, ro’molni diagonaliga bo’lib, bir burchagini ortga tashlab qo’yish, ikki uchini esa sochlarga o’ramagan holda sochlar ostidan olib o’tib, tugib qo’yish mumkin.

Quyidagi usulda esa qishki palantinni ham, junli sholni ham, doka ro’molni ham o’rash mumkin:

Ro'mol o'rashning oddiy usuli

Yashir rangli sharfni oddiy usulda o'rash

Oddiy usulda

Gollivud uslubi

Bunday uslub uchun ro’mol yetarlicha katta bo’lishi talab etiladi. Uslubning gollivudcha deb atalishi sababi – ko’plab aktrisalar va yulduzlar aynan shu tarzda ro’mol o’rashlarida. U sochlarni himoylashga yordam beradi. Kattaroq ko’zoynaklar bilan esa tashqi ko’rinishni o’zgartiadi, jozibali va sirli obraz yaratadi.

Gollivudcha uslubda o’rash uchun ro’mol diagonali bo’ylab bukiladi va hosil bo’lgan uchburchakning yopiq tomoni peshona yuqorisidan tashlanadi (peshona chizig’igacha keltirilmaydi). Erkin qolgan uchlari bilan bo’yin bir marta o’ralib, orqa tarafda (ba’zan esa iyak ostida) tugib qo’yiladi (quyidagi tasvirdagi kabi).

Gollivud-stayl uslubi

Ro’mol bog’lashni osonlashtirish uchun quyidagi tavsiyalarga amal qilish mumkin:

  • Siljib ketishni oldini olish uchun sochlar va ro’molga biroz soch uchun lak sepish kifoy;
  • Ikkita oynadan foydalaning – old tomondagi katta oyna ro’molni boshga bog’lashni ko’rish uchun bo’lsa, orqa tomondan kichikrog’i uning uchlarini chiroyli tarzda tugish uchun;
  • Ro’molni sochlarga ham bir marta o’rab olish noyob imidj yaratadi;
  • Ro’mol joyida mustahkam turishi uchun “nevidimka”lardan foydalanish;
  • Quyosh nurlaridan himoylovchi sharfcha yoki bandanani soch uchun rezina yordamida qotirish mumkin;
  • Qish oylarida ro’mol shamolda o’ynamasligi uchun muayyan bir uslubda o’ralishi joiz.

Salla uslubi

Kuz va qish fasllarida boshni issiqda saqlash uchun salla usulida ro’mol o’rash mumkin. Bu ayolni ob-havo buzilishi, yog’ingarchilikdan himoyalaydi, soch turmagini saqlab qoladi va individuallikka urgu beradi. Salla o’rash uchun uzun va ken ro’mol kerak, lekin ayni paytda u juda qalin bo’lmasligi zarur. Ideal variant – palantin. Quyida klassik usulning tasviri keltirilgan.

Salla

Boshqa variantlar – ro’mol yetarlicha uzun bo’lsa, uning erkin uchlari peshonaga kelib tutashganda, ularni chiroyli gul shaklida qilib tugish mumkin. Bundan tashqari, ular nafaqat peshonada, balki boshning yon yoki orqa tomonlarida tutashtirilishi ham chiroyli ko’rinadi.

Uchlari o'rilgan salla

Salla uslubi

Tyurban uslubi

Tyurban uslubi

Salla uslubida ro'mol o'rash

Qishki variant

Sovuq ob-havoda qalinroq ro’mol diagonal qilib bukilib, boshga yengil qilib o’raladi, biroq erkin uchlari iyakda tugilishi shart emas. Tugunni pastroqda, o’mrov suyagi sohasida tugish mumkin. Bundan tashqari, qish oylarida shollar, palantin va pavloposad uslubi keng ishlatiladi.

Qishki uslubda ro'mol kiyish

Palatin har qanday palto uchun mos keladi – ko’pincha bunday ro’mollar ayolning ko’zlari va kiyimiga urg’u beradi. Palto bilan gollivudcha uslubda o’ralgan ro’mol kiyish ham mumkin.

Lekin mo’ynali kiyimlar, masalan shubaga kelganda, yorqin pavloposadcha shol yoki aksincha, tekis rangli ro’mol tanlash yaxshi. Agar tanlov bosh kiyimi yoki palantin o’rtasida bo’ladigan bo’lsa, albatta, palantinni tanlash afzal. Chunki bugungi kunda mo’ynali kiyimlar bilan bosh kiyim kiyish urfda emas.

Ruscha uslub

Qishki oddiy uslub

Pavloposadcha uslubda o’rash uchun ro’mol uchburchak qilib qatlanadi va boshga tashlanadi (yuqoridagi rasmdagi kabi). Agar sochlar uzun bo’lsa, unda bir necha tolasini ro’mol ostidan chiqarib olish mumkin, agar kalta bo’lsa, ro’mol ostiga yashirgan yaxshi.

Muslimalar uchun

Boshga ro’mol o’rash masalasida hech kim muslima ayollardan o’zib keta olmaydi. Ular buning sir-asrorlarini yoshlikdanoq o’rganishadi va u siljib ketmasligi uchun ko’plab sir-asrorlarni bilishadi.

Islomiy uslub

Quyidagi videoda ro’molni islomiy odatlarga mos keladigan qilib, xususan xijob bog’lash haqida so’z yuritiladi:

1
Загрузка...
Loading...
O'xshash mavzular

Добавить комментарий

Ваш e-mail не будет опубликован. Обязательные поля помечены *


Сообщить об опечатке

Текст, который будет отправлен нашим редакторам: