Norin tayyorlash — retsepti, usullari, sirlari, kerakli masalliqlar, xamiri va go’shti

Norin bu somoncha qilib kesilgan go’sht va maxsus xamir, piyoz, murch aralashmasi va xushbo’y bulyon bilan tortiladigan juda mazali taomdir. Uni tayyorlash uchun an’anaviy tarzda qo’y yoki ot go’shtidan tayyorlangan bulyon va ishlatilishi shart bo’lgan masalliq — qazidan foydalaniladi. Xo’sh, norin qanday tayyorlanadi?

Norin tayyorlash uchun kerakli masalliqlar

• 1 kg suyakli qo’y go’shti, son yoki belidan
• 1 kolbasa qazi (qaynatilgan)
• 3 ta o’rtacha kattalikdagi piyoz
• 5-7 shoxchadan ukrop va kinza
• Tuz, yanchilgan murch

Norin xamiri tayyorlash uchun:

• 3,5 stakan un
• 1 ta tuxum
• 1 choy qoshiqni to’la qilib tuz
• Yog’lash uchun o’simlik moyi

Norin tayyorlash retsepti: qadamba-qadam

1-qadam

Suyaklarni idishga soling va ustidan 3-4 litr sovuq suv quying. Qaynashgacha olib boring, so’ng olovni minimal darajagacha pasaytiring va kuchli bulyon olish uchun 3-4 soat davomida qaynating. Bulyonga tuz va murchni eng oxirida qo’shing, so’ng uni suzib oling. Go’shtni suyaklardan ajratib oling.

2-qadam

Norin xamiri uchun idishga unni elab soling, 200 ml sovuq ichimlik suvida tuzni eriting. Suvga bitta tuxum chaqib solib, bir xil bo’lgunga qadar aralashtiring. Aralashmani un solingan idishga quying va xamir qoring. Xamirni zuvala qiling, ustini yopib, 1-2 soat tindirishga qo’ying.

3-qadam

Xamirni yupqa qilib yoying va 4-5 sm enlikdagi kesmalarga kesing.

4-qadam

Oldindan tayyorlangan bulyonni xamirni qaynatib pishirish uchun idishga soling. Qaynaguncha olib boring, tuzlang. Xamirli kesmalarni bulyonda 3-4 daqiqa qaynating, so’ng bulyondan chiqarib oling, biroz o’simlik moyi qo’shib, aralashtiring.

5-qadam

Pishgan xamirning 4-5 tasini ustma-ust qo’ib, ingichka somoncha qilib kesing. Bulyonga ketgan go’shtni ham shunday somoncha qilib to’g’rang. Qazi ham shu tarzda to’g’raladi, biroq 3-4 ta doiracha qazini bezatish uchun olib qo’ying.

6-qadam

Go’sht va kolbasali somonchalarning bir qismini xamirli somonchalar va murch bilan aralashtiring. To’g’ralgan qazining bir qismini tayyor norinni bezatish uchun oilib qo’ying.

7-qadam

Piyozni yupqa yarimhalqa shaklida to’g’rang, unga to’g’ralgan ko’katlar va murch qo’shib, aralashtiring.

8-qadam

Xamir, go’sht va qazili aralashmani yassi tarelkaga do’ngcha qilib qo’ying. Ustidan olib qo’yilgan qazi va piyoz-ko’kat aralashmasini qo’ying. Kosaga yarim qilib to’ldirib bulyon soling va portisya bilan dasturxonga torting. Norinni alohida, bulyonni alohida tanovul qilish ham, tarelkadagi norinni bulyonga solib, aralashtirib, birgalikda tanovul qilish ham mumkin.

Bekajonlar uchun eslatma

Agar xom qazi sotib olgan bo’lsangiz, uni idishga solib, ustidan sovuq suv quying va shundan so’ng olovga qaynatishga qo’ying. Qaynab chiqganida qazini bir nechta joyida igna bilan teshib chiqing, aks holda u yorilib ketishi mumkin.

13

Loading...

O'xshash mavzular

Taom

Manti tayyorlash retsepti — go’shtli, qovoqli va jag’-jag’li turlari, tavsiy

Manti - o'zbek oshxonasining tansiq taomlaridan biri. Uni tayyorlash uchun juda ko'p usullar mavjud....

Taom

Turkcha somsa retsepti — tayyorlash bosqichlari + foto

Uy sharoitida tayyorlangan turkcha somsa nafaqat tamaddi uchun mukammal variant, balki mehmonlarni s...

Taom

Qovurma lag’mon tayyorlash retsepti — kerakli masalliqlar, pishirish sirlari

Qovurma lag'mon tayyorlash uning boshqa turlariga qaraganda kengroq tarqalgan. Chunki ushbu taomni t...

Taom

Somsa tayyorlash — qavatli somsa uchun xamir va nachinka retsepti, usullari

O'zbekistonda yashaydigan yoki bu go'zal mamlakatda mehmonda bo'lgan har bir shaxs o'zbek oshxonasin...

Taom

Qozon kabob tayyorlash — retsepti, usullari, bosqichlari, masalliqlar, sirlari

O'zbekcha qozon-kabob nima? Qirsillovchi qobiq hosil qilguncha qovurilgan go'sht va o'simlik moyi va...

Taom

Shashlik tayyorlash — go’shtni tanlash, marinadlash, tayyorgarlik ko’rish, tavsiya

Issiq kunlar kelishi bilan, do'stlar va oila davrasida dam olish uchun bizda shashlik tayyorlash uch...