Qozon kabob tayyorlash — retsepti, usullari, bosqichlari, masalliqlar, sirlari

O’zbekcha qozon-kabob nima? Qirsillovchi qobiq hosil qilguncha qovurilgan go’sht va o’simlik moyi va go’sht yog’ida tillarang tusga kirguncha qovurilgan kichikroq kartoshka. Go’sht esa oldindan quruq yoki nordon marinadda marinadlangan. Uchta qozon-kabob tayyorlash turi farqlanadi: qo’y, parranda (asosan tovuq) va mol go’shtidan. O’rtacha kattalikdagi tovuq bo’laklari qizib turgan yog’da 20-25 daqiqa, shu kattalikdagi qo’y qovurg’alari 25-35 daqiqa, mol go’shti esa yana biroz ko’proq qovuriladi. Go’sht suvli bo’lib pishishi sirlari ham mavjud. Agar faqat go’sht sirti qizartirib pishirilsa, albatta, bunda suvlilikka erishish mumkin, lekin go’shtga kartoshka solinganida, go’sht suvi bilan aralashib, uning ko’rinishi buziladi. Go’sht tayyor bo’lgunicha qovurilsa, bunday holatning oldini olish mumkin, lekin uning yumshoqligi yo’qoladi. Xo’sh, mazali qozon kabob qanday tayyorlanadi? Buning uchun shunchaki go’sht biroz dimlanadi. Va, bu holda, qovurishning an’anaviy tartibini buzish ham mumkin.

Qozon kabob uchun kerakli masalliqlar

• 1 kg mol go’shti;
• 100 gramm qo’y yog’i;
• 2 kg kartoshka;
• 2 ta o’rtacha kattalikdagi piyoz;
• 3 ta o’rtacha kattalikdagi suvli pomidor;
• 100 ml o’simlik moyi;
• 3 osh qoshiq ziravorlar aralashmasi (yanchilgan zira va kashnich urug’lari, quritilgan rayhon, qizil achchiq qalampir);
• Tuz;
• 5-7 shoxchadan shivit va kashnich.

Qozon kabob tayyorlash bosqichlari

Tayyorgarlik vaqti: 6 soat | Tayyorlanish vaqti: 30-35 daqiqa

1-qadam

Go’shtni katta bo’laklarga kesib oling, 2 osh qoshiq ziravorlar arlashmasini qo’shing va aralashtiring.

2-qadam

Piyozni yarim halqa qilib, pomidorni — ingichka doira shaklida kesib oling. Piyoz, pomidor va go’shtni aralashtirib, 5-6 soat davomida sovutgichga qo’ying. Ingichka qilib kesilgan limon qo’shish ham mumkin.

3-qadam

Kartoshkani tozalang, kattaroqlarini ikki bo’lakka bo’ling. Qo’y yog’ini kubiklarga bo’lib oling. Qozonda yoki boshqa osti qalin bo’lgan kattaroq idishda o’simlik moyini qizdirib, so’ng yo’gni soling va jizzasi qolguncha eritib oling. Jizzasini ajrating.

4-qadam

Kartoshkani qozonga soling. Doimiy aralashtirish kerak emas, faqatgina vaqti-vaqti bilan pastki tomonini yuqoriga ko’tarib qo’yish kifoya. Kartoshka yorqin tillarang tusga kirgunicha qovuring. So’ng kartoshkani qozondan boshqa idishga joylashtiring. Kartoshkadan oqadigan yog’ning bir qismini qozonga qaytarib soling.

5-qadam

Go’sht bo’laklarini qozonga soling, baland olovda jigarrang tusga kirgunicha qovuring. Buning uchun go’sht avval suvini ajratishni boshlashini kutish kerak, suvi bug’lanib ketgachgina go’sht qovurila boshlaydi.

6-qadam

Go’sht jigarrang tusga kirganda, oz miqdorda suv quying (u go’shtni qoplamasligi kerak). Qopqoqni yoping va go’shtni past haroratda 20 daqiqaga dimlanishga qoldiring.

7-qadam

Qozon qopqog’ini oching va qolgan suvni bug’lantirib yuboring. So’ng kartoshkani solib, tuz seping. Qolgan ziravorlarni qo’shib aralashtiring, yopiq qopqoq ostida 10 daqiqaga dimlab qo’ying.

8-qadam

Kesilgan shivit va kashnich sepib, keng idishda dasturxonga torting.